كريم يحيى المؤسس
عدد الرسائل : 496 العمر : 59 المزاج : كما هو الأمس وغدا تاريخ التسجيل : 27/03/2008
| موضوع: التمرد الأربعاء يناير 14, 2009 4:21 pm | |
| نفسى أرجع زى زمان شاب صغير هيمان أصحى واخرى مزاجى مش كئيب أضرب فول وشاى بحليب أقف قدام المرايا أتزوق ولا الصبايا جينز ومارلبورو وجل وأستنى المزة فى الضل مدرسة البنات اللى فى الميدان أقابل قدامها حنان بت بنت بلد دلوعة لكن رافعة مناخيرى وممروعة أبوها موظف كبير فى سفارة البرازيل وأمها أبله رباب مدرسة الألعاب المهم قولولى وصفة ترجعنى وتخلينى أصفى وأرجع واد آمور وألف ولا الدبور من السنية للبنات لقهوة عم عرفات شوية روشنة شبابى وأرجع أفتح بابى من غير نظارتى كعب الكبايا ولا قهوتى اللى بتاخد عزايا نفسى أرجع زى زمان وأنسى الغربة والحرمان الغربة عملت شقوق فى قلب جلدى المحروق بنار البعد عن بلدى وعن أهلى و عن ولدى يااااه عليكى يا غربة لما بتبقى كربة وتطفى أحلى السنين وتقيدى الشيبة والحنين تفتكرى هرجع صغير وأعيش اللى فات وأتغير أنا نفسى يا ناس
| |
|
م/ إيهاب عبد المؤمن مهندس زراعي
عدد الرسائل : 361 المزاج : كموني تاريخ التسجيل : 29/03/2008
| موضوع: رد: التمرد الجمعة يناير 16, 2009 6:52 am | |
| انا مش في غربة وقريحتك وجعتني يابووعد
تسسسسسسسسسسسسسسسسسسسسلم يافنان من جوة قلبي
وتعود لأهلك بكل خير | |
|
كريم يحيى المؤسس
عدد الرسائل : 496 العمر : 59 المزاج : كما هو الأمس وغدا تاريخ التسجيل : 27/03/2008
| موضوع: رد: التمرد الجمعة يناير 16, 2009 12:20 pm | |
| الحبيب إيهاب
الغربة أخى أصبحت تلازمنا فى أوطاننا وخارجها
سلمت أخى وبارك الله فيك على الدعاء | |
|