وإحنا لسه في إبتدائي ..

على سلامه
وإحنا لسه في إبتدائي ..

وسط اوراقى القديمة ....

اللى لسه منها باقى ...

شوفت صورتى بين زميلى ...

و احنا لسه فى إبتدائي ...

الوشوش كانت بسيطة ...

طاهرة لكن مش عبيطة ..

نرسم الأحلام خريطة ....

فى قلبها نقطة تلاقي ....

هو صاحبى

لما كان فى الدنيا صاحب

اما دول كانوم جيرانى .....

كل واحد فينا حقق ...

جزء من بعض الأمانى ...

ا ما دى الشاطرة البليدة ....

العنيدة أم الضفاير ….

تبقى حبى الأولانى .....

أد ايه حزنت عليها ...

لما راحت فصل تانى ....

ما احنا كنا تخته واحده ...

فى تانيه تالت ...

مره قلت ...

و هى قالت ..

لما مدت ايدها شالت ..

دمعة وقعت غصب عنى ....

جوه كراسة الحساب ..

كنا لسه صفحه بيضه فى الكتاب ...

الوشوش كانت بسيطه ....

طاهرة لكن مش عبيطه ...

نرسم الأحلام خريطة ...

فى قلبها نقطة تلاقى ...

واحنا لسه فى أبتدائي

فين أيام زمان
جميل م/ مروة أن تذكرينا بأجمل سنين العمر
دمت فى ود

للجميع تحياتى

و لاستاذى الفاضل ابو عمر تحيه خاصه
كم وددت لو كنت حقا كاتبة تلك الكلمات لانال شيئا من ذاك المديح العذب
لكنى ايضا لا اريد ان اكون من الذين يحبون ان يحمدوا بما لم يفعلوا

سيدى الفاضل تلك الكلمات الصادقه لشاعر صادق يستحقا حقا اطرائك هو الاستاذ / على سلامه وقد كتبت اسمه فى مقدمه ابياته

دمت جميعا بكل ود