مــــــــــــــــــرايا

قلت أبص ف المرايا ..
يمكن أكون إحلويت ..
فضلت داير أبص ..
مخلتش ولا مرايا ف البيت ..
في الحمام ف الأودة ف دولاب ..
أو متعلقة ع الحيط ..
شوفت ..
سكت شويه ..
وبعدين إتخضيت ..
معقول أنا قضيت العمر ده كله ..
وزي ما روحت زي ما جيت ..
معقول أنا عمري مافكرت ولا إتغيرت ولا حبيت ..
وإزاي ساكت علي روحي ده كله ..
وليه إستنيت ... !
يا ريتني ما كان عندي مرايا ..
وياريتني ما بصيت

لحقت تبص فى المراية ما أحنا كنا مع بعض

لسه مازهقتش منى ومن لزقتنا فى بعض

تخيل أنا تعبت من عشرتك المملة

40 سنة وشة فى وشك ومالقيت غير المذلة

نكد وهم يخرب عقلك وبتقول هتحلو

بآمارة أيه ولمين خليك كده مشعلق فى الجو

الحلو حلو من زمان ومش جديدة حلاوته

والمر طعمه هرانى وبانت عليا مرارته

يا رب نفسى أكسر مرايات أوضتى

وأعذب مراتى كل يوم بشوفتى

على الصبح وش مبوز ولا رعيف مدعوم

وفى الليل وش مدعبس ولا اللى سرقوا من حبله الهدوم

يامان خليك هادى وفى الريلاكس

وأنسى المرايا وخليك فى الدريكسيون والكلاكس