حكاية منتدى بدأ بحلم

السلام عليكم جميعا

قعدتى تحت الجميز جعلتنى احلم كثيرا وجعلت الاحلام الجميزية حقيقة

هاحكيلكو حكاية مرعبة درامية
ومحتواها من افلام الكرتون بتاع علب السمنة لكى تخرج لكم فى صورة رومانسية

العصر الساعة 6 صباحا والشمس فى كبد السماء صليت المغرب ونمت تحت شجرة الجميز

لقيت تفاحة وقعت على راسى وانا نايم

اكيد التفاحة مش من شجرة الجميزة ( كانت من شجرة الجازورينا البعيدة ) قلت ياد يا مرزق كلها وكمل نوم

مخبيش عليكو لقيت ايهاب باشا عبد المؤمن معدى رحت مخبى التفاحة تحت كرسى الانترية فى نهاية الجميزة

رحبت بيه كالعادة وعملتله شاى الراكية

هو بصراحة كان ناقصه سكر ---- ومخبيش عليكو هو مكنش في شاى كمان

المهم

اتكلمنا عن قصة الجميزة واتصلنا بابو وعد -- كان غير متاح الحمد لله

خلصنا الينسون وقمنا واتقابلنا بعد سنة كانت التفاحة نبتت وكبرت وطلعت شجرة نخل كبيـــــــــــــــــــــــــــــرة

بعد تلات سنين واحنا قاعدين لقينا بتوع الطرق بيسفلتو الطريق امام الجميزة

رحت عامل سنارة وقعدت اصطاد وربنا كرمنا والسنارة غمزت

طلعت لقيت شوال ارز ابيض بالسمن البلدى رحت غارف طبق لايهاب وقدنا ناكل الرز بالشاليمووووووووووووووه لما شبعنا

واتعملت المنطقة دى مزار سياحى واتسمت بالجميزة

ومن هنا بدات حكاية الجميزة والاربعين مشاكس

انا قلت بلاش ادخل اشاكس من اولها احسن

المنتدى منور باصحابه

الله الله يا عم باسم يا جميل

بس كده الحكاية ناقصة أنا سمعتها لحد مترو الأنفاق والحادثة مع الطيارة الله يخليك كملها حتى يعرف الأعضاء مدى بطولتك أنت والمهندس إيهاب

فى أسترداد الموتوسيكل من الخاطفين على الطريق الزراعى

بالمرة بقى أسلم على الحاجة مورة منورة الدنيا يا دكتورة

lol!

مشرف عدد الرسائل : 135 تاريخ التسجيل : 01/06/2008

وحشتنا ووحشنا كلامك ياباسم
موضوع الجميزه ده فكرني بأول ايام اشتغلت فيها في مزرعة برسيق السمكية - اللي لسه بشتغل فيها لحد دلوقتي - الناس كلها كانت مشغوله في صيد الحوض وتصنيف السمك وبيعه ، وما أدراك مابيعة والمشاكل والخناقات اللي بتحصل فيه ، وفي أتون هذه المعركة نظر لي أحد الأصدقاء فوجدني أتمتم ببعض الكلمات ، فصعب عليه حالي وإفتكرني إتجننت
وفي آخر اليوم قاللي يا خالد متعملش في نفسك كده .. إنت لسه في أول المشوار ، معلش حتتعود علي الدوشة ووجد الدماغ ده بمرور الوقت ، فقلته هو فيه ايه بالضبط ، قاللي أصلي شايفك بتكلم نفسه وانت لسه جديد في الشغل ، قلتله أنا كنت بغني قصيدة لنزار قباني .. وطبعاً أكيد إنت متخيل الراجل كان شكلة عامل ازاي ههههههههههههه
جميز ايه بس يا عم ايهاب وشيكارة اليوريا بقت ب 170 جنيه .. هو من أولها ولا ايه .. إحنا عاوزين نناقش مشاكل واقعية وننزل لإرض الواقع علشان يكون لنا مصداقية عند الناس
يعني مثلاً .. ممكن تتكلم عن بذر البطيخ .. أو عن قشر البطيخ .. أو عن البطيخ نفسه لأننا دلوقتي في موسم البطيخ يعني مثلا بذر البطيخ ممكن يدخل في صناعة اللب الأسمر وقشر البطيخ ممكن يقوم عليه مشروع كبير ( مع شوية كسارة ) لتربية الفراخ البلدي في البيت وبالتالي إنتاج البيض وتوفير عمله صعبة والمساهمه في الإقتصاد القومي ، أما البطيخ نفسة بقي فممكن يتاكل مع حته جبنه قديمه ونصف رغيف عيش ( من أبو نص جنيه ) وتبقي أكله زي الفل وبالتالي نوفر في مصروف البيت علشان نجيب بامبرز للعيال
شفت بقي الكلام.. البطيخ يعني إقتصاد وتنمية وتربية منزلية مش تقوللي الجميز ..
ويجعله عامر

اللة عليك يااستاذ باسم .

قوللي لو سمحت حضرتك فاكهة وللا فكاهة.

ارجوا عدم الزعل .

المهم شكرا علي هذة المداعبة

الله يسلم يا ابو وعد دا منور بيك وبالصحبه الحلوة دى

بس بلاش دكتورة دى الله يكرمك لحسن اتعقد منها .......فاهمنى طبعا

ههههههههههههههههههههههههههههههههههههههه

موتينى على روحى من الضحك الله يسعدك يا مروة

تعرفى وحشتنا خفة ظلك وتواجدك العطـــــــر بيننا

بلاش دكتورة لكن أن شاء الله تعمليها وتسعدينا معاكى

بنجاحك يارب بالتوفيق

الله الله يا م/ باسم

والله والجميزة ضللت علينا

وأكلنا الأرز تحتها بالشليمووووووووووووووووو

يامليون مراااااااااحب تحت جميزة واحة منتدانا العطرة

واحة أستاذي أبي وعد حفظه الله لنا .

وبعدين المهندسة مروة مش مصدقة

رغم إن الجميزة قدامها

وشايفة عمنا خالد كمون بياكل قرموط تحتها أهو

بعد ما إتهمني إني سبب أزمة اليوريا في البلد

مع إني ماجيبتش سيرة يوريا ولا سباخ ههههههههههههههههههه

الظاهر الموضوع ده كان فوق الشجرة ماكانش تحتها

لأن الضليلة بتاعة جميزتنا سترمي بظلالها بإذنه تعالي علي

مستوي المنتديات العربية كلها بأحبتنا في الله

وأهو بدأت الحكاية بتفاحة من مهندسنا باسم وطبق أرز

إلي شيكارة يوريا وشوكة من قرموط م / خالد واقفة في زوري

ولازم كبير القعدة يشوفلي حل

ولو ماجيبتليش حقي يابووعد

سأقوم برش ماتورين سليكرون محترمين علي عمنا خالد كمون

وابقوا قابلوني لو قعدتوا تحت الجميزة تاني .

واسئلوا معالي م/ باسم عاشق المكافحة عن رائحة السليكرون

بجانب البرفان الأصلي الذي يضعه دائما م/ خالد كمون

بساريا هوجو ههههههههههههههههههههههههههههه

السلام عليكم ورحمة الله
فعلا اشتقنا الى هذا التجمع الرائع يا اخي العزيز يا رائع يا عاشق يا باسم يا راسم بايدك البسمة على شفاهنا كده بدون تلوين مع اني مش فاهم قصدك مما كتبت لكني والله سعدت بعودة هؤلاء الاعزاء تحت الجميزة او فوقها حلم او واقع خيال او حقيقة مش مهم المهم اني رايت اناس اشتقت اليهم
على فكرة انا كنت في مشوار رايت اشخاص ربما لا تعرفونهم تحت الجميزة
رايت هؤلاء وربما لم يسعفني النظر لارى اخرين كثر

وهناك صور لاخوات فاضلات ولاخرين لم تسعفني الذاكرة على رسم صورهم
الصور السابقة ليست صور فوتوغرافية وانما رسم من الذاكرة
لكن يا ترى من هو او هي صاحب او صاحبة الجميزة؟؟؟؟؟؟؟؟؟؟؟؟
لكم تحياتي

مشرف عدد الرسائل : 135 تاريخ التسجيل : 01/06/2008

كده فعلا إتلونت الصورة بوجودك يابروفسير
أهلا أهلا أهلا بأبونا الروحي أبوعمر
بدونك الصورة أبيض وإسود..
ورغم إني محبش الجميز إلا أني حبيته دلوقتي جداً لأنه أصبح رمز لتجعنا .. نعمل ايه بقي .. المهندس باسم / خلانا جميز خالص وحيكون شعار المنتدي بإذن الله عن قريب " إحنا بتوع الجميييييييز "
أما إنت ياايهاب فأرجوك ملكش دعوة بالقراميط .. ليه .. علشان بتعض
هههههههههه
تحياتي لكل إخواتي
والله وإتجمعنا ...

السلام عليكم ورحمة الله و بركاته
اخوي ابو وعد الحقني واسعفني وقلي كيف ارد على هذا الكلام الجميل شكرا يا خالد على هذا الشرف الذي حظيته بكلامك المعطر برائحة الورد

حبيبى ابو عمــــــر

أحلى رد دلوقتى تبتسم وخالد هيفهم ههههههههههههههه

هنا يا جماعة قفشت صورة للمهندس شلبى فى لحظة تأمل وسط المبيدات

ياترى كان بيفكر فى أيه ناوى يخترع مبيد جديد للنمل بتاع المهندس باسم

حكاية منتدى بدأ بحلم 1837947_lm

حبيبي الغالي / استاذي ابو وعد
شكرا لك علي تلك الهدية
بس انت كدة هتخلي باسم يشيل النمل بتاعة قبل المبيد(الفنكوش)
مايوصل
هههههههههههههههههه
ههههههههههههههههه

ابو وعد اديلك الصورة ذكري
تفضحني في المنتدي
هههههههههه

دمت في خير وود

احلى حاجة فى الشلة الحلوة هو التجمع والمودة
لكن الاجمل هو اضافة احد المحترمين لتلك الشلة وهو المهندس شلبى

وعلشان انا عارف انه بتاع مبيدات ومبيحبش النمل
غيرت الصورة بشلالات ماء عشان لو فكر يرش مبيد المياه تخفف تركيزه
هههههههههههههههههههههههههههههه

ياواد يا مخفف أنت

شغلت له الدماغ على طول وعملت له دفنس

لكن أقولك يا باسم باين عليه مش سهل يا مان

خذ حذرك منه وربنا يستر لأن تأملاته ده بتفكرنى

بتوفيق الحكيم زمان وزاوومان

عاشق المكافحة كتب:: احلى حاجة فى الشلة الحلوة هو التجمع والمودة
لكن الاجمل هو اضافة احد المحترمين لتلك الشلة وهو المهندس شلبى

وعلشان انا عارف انه بتاع مبيدات ومبيحبش النمل
غيرت الصورة بشلالات ماء عشان لو فكر يرش مبيد المياه تخفف تركيزه
هههههههههههههههههههههههههههههه

حبيبي الغالي /عاشق المكافحة

لك مني شكرين

الاول.انك شلت النمل
والثاني هو مرورك الطيب وتواجدك الذي افتقدناة

دمت في خير وود

استاذي ابو وعد

تحياتي لك علي اضافاتك الرائعة

وياريت نبقي مثل توفيق الحكيم
بس من غير طاقية ونظارة
ههههههههههههههههههههه
هههههههههه

وبلاش تفرج علينا the man
وايضاthe woman
علشان الناس والشعب مايزعلوش
the PEAPOL
دمت في خير