ابويا الحاج.....
ممكن احكي لكم قصة واقعية ..
طبعا احنا فلاحين وعايشين في الارياف ...
ذهبت انا واخي لري الارض ليلا .علشان المية كانت في البحر ضعيفة .وسرحنا بالليل لاقينا المية ياممة (كتير يعني).
المهم اوحنا بنروي الارض لاقينا سمك في البحر نزلنا نصطاد السمك واللي نصطادة نرمية علي السكة (الطريق يعني) .
لاقينا نفسنا تعبنا والسمك ما بيخلصش .المهم بسال اخويا علي الساعة قاللي 5.5 الفجر .
طلعنا نلم السمك من علي السكة ملاقناش سمك كتير .
اتري بقي يابا الحاج اللي كنا بنصطادة كان بيقع في البحر تاني وكمان حاجة تانية . اية هية يا حاج .
لاقينا 5 كلاب واقفين بياكلو السمك اللي فاضل وفاتحين فمهم ولسانهم طالع اتاري يا با الحاج احنا طول الليل بنأكل السمك للكلاب .
والناس الصبح بيقولو هي كلاب البلد كانت فين طول الليل (طبعا كانو معزومين علي اكلة سمك صاحي ).
والارض غرقت والزرع باظ (تلف يعني)
وابويا كرشنا من الدار(طردنا يعني) وبعد كدة صحيت من النوم .
علي فكرة انا كنت متغطي وانا نايم.