بسم الله الرحمن الرحيم
هناك مثل اعجبنى قاله عم سيد وانا معدى عليه
قاللى يا ابنى اتجمز بالجميز حتى ياتيك التين
الحكاية بدأت من امام كورنيش الجميزة شارع جامعة الشؤون الاجتماعية
الاشارة حمراااااااااا
والشارع وااااااقف
مرت عليا سيارة فاخرة جدا جدا وفوجئت باللوحات الرقمية بتاعة السيارة
مكتوب عليها هيئة رومانسية
كسرت السيارة الاشارة وافاجئ بعسكرى المرور بيضرب تعظيم سلام ويلوح بيديه وهو فرحان
افتكرت فى الاول انه فرحان ان العربيات الرومانسية بتكسر الاشارة
رحت كاتب على عربيتى هيئة نفسية باللون الازرق على الرفرف الشمال
وكسرت انا كمان الاشارة
طبعا ببص فى المراية عشان اشاور للعسكرى لقيته قافل حواجبة 111 وكمان كتب نمر العربية ورفع جهاز اللاسلكى طبعا عرفت ان الراجل اتضايق ان العربية مكتوب عليها نفسية
رحت كاتب على الرفرف اليمين دى مش هيئة نفسية دى هيئة رومانسية
مكملتش 2 كيلو لقيت تشريفة جاية ورايا 15 موتسيكل وعربيتين امن مركزى
وكمان لقيت طيارة حربية اف 3333
دا مش رقمها دا موديلها
والطيران يحوم والموتوسيكلات تلقى بالقنابل الرقيقة الذكية
ولقيت الغام على الطريق
لحظتها عرفت ان العربية مستهدفة والحقد جواهم عشان لسه كنت مغير زيت موتور
قلت طمعانين فى الجركن الفاضى
ههههههههههههه
وقفنى الظابط على الاسفلت بينى وبين الاسفلت ما يقارب المللى مش فاكر بالضبط
وعاملنى بكل رقة وحنان بس الاسفلت على عكسه تماما
رحت الوزارة اشتكى وقدمت الطلب للسيد وزير الشاعرية
مسك الشكوى وقرأها بصوت عالى وكانت كالتالى
السيد الاسطى وزير الشاعرية
تحية طيبة وبعد
,,,,,,,,,,
اتقدم بشكوى ضد السيد الاسفلت اللعين حيث عاملنى بقوة وعنف واحدث جروح وكدمات عديدة
كما اشكر السيد الضابط من انقذنى منه على اخر لحظة
لذا ارجو ان توقعو اقصى عقوبة على المدعو الاسفلت لكى يكون عبرة لكل الطرق
مقدمة لسيادتكم السيد كريم يحي الشهير بابو وعد المصرى والمقيم بقطر
وكاتب على ايميلى راجع يا مصر
3 ش هوت ميل تقاطع الياهو
رد عليا رد اعنف من رد الاسفلت
وقاللى روح بقى لوزير الاسفلتات ياخد حقك
مكدبتش خبر
رحت رايح لوزير الاسفلتات قدمت شكوى ضد الاسفلت حيث انه قام بفعل فاضح فى الطريق العام وقام بتقليده قادة البلد الشاعريين
لذا احمل الاسفلت كل المسؤولية
رحب بيا وقدم ليا شوب عصير بيض باللحمة المهرووووووسة
كان طعمها قريب من طوب الاسفلت
وانا نازل بزحف باحترام من على سلم الوزارة قابلنى عم سيد
قاللى مالك يا ابنى
قلتله
ابدا يا عم الحاج انا زى الفل والحياه حلوة والمشرفين بيدخلو ويردو على مواضيعنا واسئلتنا
والمدير مش مخللينا عاوزين حاجة
والاسفلت ناعم وريحته حلوة
دا انا كمان كل ما اتعب من الراحة اروح تحت الجميزة استريح وانتعش
طبعا رد عليا رد كله احباط وياس وقاللى طيب يا ابنى
روح اتجمز بالجميز حتى ياتيك التين
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟